Tat-Art Blog

Աշնան օրենքները

Աշունը մեզ թելադրում է իր օրենքներն,
Աշունը սեր է ուզում։
Նա մեզ հատուկ մրսեցնում է,
որ սիրելիի հպումին կարոտ մնանք։

Ու մեզ համար սերեր հորինենք՝
Երազել մեզ թույլ տանք։
Հետո գտնելուն պես մեզ ձևացնենք,
Որ այս ամենի մեղավորն՝ աշունն էր։

Աշունն իր օրենքներն ունի․․․
Աշունը՝ սեր է սիրում,
Աշնանը սիրելու համար շատ բան պետք չէ․․․
Աշնանը սիրելու համար բավական է աշուն։

Ուրիշների լուսաբացները

Ու կբացվեն առավոտները ...
Մի օր առանց ինձ,
Մի օր առանց քեզ...
Ու էական չէ աստղերի դասավորվածության ձևը
կհանդիպենք մեկ է
ես մի օր քեզ
դու մի օր ինձ
Ու կճանաչեն իրար մեր բույրերը...
Չէ, որ ինձ բույրդ լոկ հիշատակ մնաց...
ԻՍԿ անձրևը կթաքցնի մեզ ավելի խորը տեղը,
որ չգողանան մեզ մեկս մյուսից հանկարծ...
Ամպերը կլինեն մեր ծնողները
Փափուկ,փափուկ կգրկենք իրար,
կօրորեն մեզ ոնց հին ժամանակները
Ու էլ չենք զգա կարոտը իրար...
Ու կրկին կբացվեն առավոտները
Արդեն համ իմ համ էլ քո համար...
Ու երկնքում կունենանք մենք մեր տեղը ...
Ես առանց քեզ կրկին...
իսկ դու Հայրենիքի կողքին...

Կարմիր Արև

Անհանգիստ է երկինքը
Անմեղ հյուրեր կան
Աշնան դեղինը թողած կարմրել է երկինքը
Կարմրոտվել արևն աշնան...

Ու փոխանակ մեզ ջերմացնելը
ծակում է մեր սրտերը
Ամեն պահ հիշեցնելով կորուստը հայի

Այս «պատերազմը» դեռ երկար կմարսվի
Կուլ չի գնա դեռ տասնյակ տարիներ

Իսկ արևը մեզ կրկին կջերմացնի
Հենց ջերմանան հոգիներն անմեղ...